ქართული კასეტა - დიზაინი #.1

ქართული მუსიკალური ალბომების ქავერ-დიზაინს რათქმაუნდა ცალკე რუბრიკა უნდა  დაეთმოს!

----------------------
ეს კი საქართველოს ერთერთი დღემდე მართლა ყველაზე საინტერესო ბოი ბენდი, 90-იანების ლეგენდარული "სახე":

რათქმაუნდა ეს არ არის ალბომის ქავერი მაგრამ ბოი ბენდის ფოტოა. :)

"ამის დამადასტურებელი ფაქტი დიპლომების გარდა ჩემი 40.000 პაციენტია"

ახალი მედია სკანდალი!

 გაზეთი "კვირის პალიტრა" ირწმუნება რომ ცნობილი ქართველი პარაფსიქოლოგი ირაკლი ლომაია ქვეყნიდან გაიქცა და სრული სერიოზულობით ამხელს მას თაღლითობაში.
სტატია შეგიძლიათ და აუცილებლად უნდა წაიკითხოთ აქ:

სად გაქრა ქართული პარაფსიქოლოგიის მამა?     (click)

ფრაზა წერილიდან:
"მე სასწაულის მჯერა. მჯერა, რომ ხატს მირონი და ზეთი მოსდის, მაგრამ ის, რომ ადამიანს სხეულიდან მირონის დენა დაეწყოს, ამის არ მჯერა..."

-------

ამ ურწმუნო სტატიის პასუხად არ დააყოვნა უკრაინაში მყოფი პარაფსიქოლოგიის მამის სკანდალურმა პასუხმაც.





რამდენიმე ფრაზა ინტერვიუდან:


"დავიწყოთ იმით, რომ ამ წერილის ავტორის დასაცინი ნამდვილად არ არის არც სენაკი და არც სენაკელი ბიჯი। არ მგონია თვითონ პარიზელი არისტოკრატი იყოს. მისგან განსხვავებით მე თბილისში დავიბადე და გავიზარდე. რაც შეეხება "პარაფსიქოლოგიის მამას" - ეს ტიტული, რომელიც ჩემთვის შეუფასებელი და საამაყოა, ხალხმა მომანიჭა."

"რაც შეეხება იეროგლიფებს და სხეულზე გამოსახულ ჯვრებს, კარგი იქნებოდა, რომ გაცნობოდა ჩემს სამეცნიერო ნაშრომს ,,სიცოცხლის წყურვილით~. რომელშიც ფოტოებზე ასახულია ყველაფერი."

"იქნებ ისიც უარყოს, რომ პარაფსიქოლოგიის სამეცნიერო და კვლევითი უნივერსიტეტები ევროპის სხვადასხვა ქვეყნებში საკმაოდ აპრობირებულია და რომელიც მე, სხვათაშორის, წითელ დიპლომზე მაქვს დამთავრებული და ამის დამადასტურებელი ფაქტი დიპლომების გარდა ჩემი 40.000 პაციენტია."


"მაგ. ქ-ნი ეთერ კაკულია რომელსაც თურმე ჩემი საქმიანობის არ სწამს." :))


"ნორმალურ ქვეყანაში თაღლითი და ფულის გამომძალვევი ადამიანი, რომელსაც თქვენი სიტყვებით დიდი ქონება გააჩნდა, საკუთარ ბინას და ავტომობილებს ბანკის სესხით არ შეიძენდა და მერე არ გაყიდდა। როდესაც საკუთარ ქვეყანაში ახალგაზრდა მეცნიერს სამჯერ გაიტაცებენ, ორჯერ მოსტაცებენ შვილს და ერთხელ მოწამლავენ-დამეთანხმება მკითხველი, რომ ასეთი ადამიანი ყოველთვის ეძებს გამოსავალს და ისეთ ქვეყანას, სადაც მისი ნიჭი სათანადოდ დაფასდება."  (შენიშვნა: თავის თავზე ამბობს)

"კლასიკური მედიცინის მუშაკზე გაიცემა ჯანდაცვის სამინისტროს ლიცენზია. არატრადიციული მედიცინა კი, რასაც პარაფსიქოლოგია ქვია, ლიცენზიას გასცემს საქართველოში, კერძოდ თბილისში ჭავჭავაძის I-ჩიხი #6 –ში არსებული დეპარტამენტის საპატენტო რეესტრის სექტორის უფროსი თ. ნანიკაშვილი, რომლის სახელწოდებაა - ინტელექტუალური საკუთრების ეროვნული ცენტრი ,,საქპატენტი,, როგორც ერთადერთი დამაარსებელი პარაფსიქოლოგიური ცენტრის ამიერკავკასიაში, როგორც ბიო-ენერგეტიკოსი და ხომერიკის სკოლის ერთ-ერთი კურსდამთავრებული, გაცემულია ჩემზე ეს ლიცენზია."




პასუხი სრულიად შეგიძლიათ და აუცილებლად უნდა წაიკითხოთ აქ:



ირაკლი ლომაია "კვირის პალიტრას" სასამართლოში უჩივის



-----
ვინც ჯერ არ იცით ვინ არის ირაკლი ლომაია, შეგიძლიათ ესტუმროთ მის ვებ-საიტს:
http://lomaia.com/

ხოლო  აქ  შეგიძლიათ შეუკვეთოთ ზემოთნახსენები მეცნიერული ნაშრომი "სიცოცხლის წყურვილით" სულ რაღაც 65 დოლარად.



---------

p.s. მე მინდა აუცილებლად შეგახსენოთ ძვირფასო მკითხველებო
რომ ეს არ არის გამოგონილი ისტორიები, ეს არ არის გამოგონილი ბლოგი,
ეს ბლოგი თქვენი რეალობის, თქვენი სამყაროს, თქვენი თვალების სარკეა.

დარჩით ჩვენთან
თუ გავიწყდებათ სად ცხოვრობთ :)

ფესტივალი

2009. 8 აგვისტო. ბათუმი.

photo by: Sandro Shanidze

66-ე სახლი - სრულმეტრაჟიანი "უჟასი"

"ბოლკო სტუდიოს" მიერ გადაღებული გენიალური თრეშ-ჰორორ ფილმი (როგორც თვითონ სურათის შემქმნელები ეძახიან - "უჟასი") დამაინტრიგებელი სათაურით:
66-ე სახლი.

ფილმი მოგვითხრობს საშინელ ისტორიას მწერალზე, რომელიც პოემაზე მუშაობს (?) და ჭირდება განმარტოება სოფელში. ის იქირავებს სახლს რომლის ნომერია სამოცდაექვსი. სახლში შესვლამდე მწერალ იაკობს უცნაური სოფლელი ბიჭი გააფრთხილებს რომ ვინც იმ სახლში შედის - უკან აღარ გამოდის, თუმცა განათლებულ ქალაქელ მწერალ იაკობს არ ჯერა სოფლის ცრურწმენების და თავდაჯერებული ნაბიჯით შედის კოშმარულ სახლში...

დროში და განზომილებებში მოგზაურობა, ადამიანური ფსიქიკის ბნელი კუთხეები, გადატენილი იარაღი, თავსატეხი ქვესტები, მუტანტები და ვინმე ბნელი მაგის - პანუვრუსის ჯოჯოხეთური არმია - ყველა ეს მოვლენა ერთ ნახევარსაათიან ქართულ ფილმში.


Enjoy with pleasure


66 saxLi from nanulicha on Vimeo.

კაი ბიჭი გამოძახებით !!

აბა ვაგროვებთ ფულს
ახალი ქართული უნიკალური სერვერი
"დიდუბე: კაი ბიჭი გამოძახებით".

მადლობა ლინკისთვის დოდკას

http://didu.myweb.ge/index.php

დიდუბე კაი ბიჭი გამოძახებით 16 კაციანი სასტავი 190 ლარი
18 კაციანი სასტავი 210 ლარი
20 კაციანი სასტავი 280 ლარი
24 კაციანი სასტავი 320 ლარი
32 კაციანი სასტავი 420 ლარი

გლდანის სასტავი

16 კაციანი სასტავი 160 ლარი
18 კაციანი სასტავი 180 ლარი
20 კაციანი სასტავი 200 ლარი
24 კაციანი სასტავი 240 ლარი
32 კაციანი სასტავი 300 ლარი

ერთი ჩოხოსანი პარლამენტის წინ სააკაშვილის გადადგომის მოთხოვნით ჯვარზე გაეკვრება

ამ საოცარი ლინკისთვის მადლობა სანდროს

-----------------------

2009 წლის 15 05, პარასკევი - 18:11

საქართველოს რეკონსტრუქციისა და განვითარების საერთაშორისო სააგენტოს თავმჯდომარე - პაატა თექთუმანიშვილი, რომელიც კვირის ბოლოს აპირებს ქუთაისში ჯვარი შეჭედოს და თავის თანამოაზრეებთან ერთად ფეხით თბილისში ჩამოიტანოს, აღმართოს პარლამენტის წინ და ზედ გაეკრას, უკვე ქუთაისშია. ჩვენი კორესპონდენტი მას დაუკავშირდა და ამ აქციასთან დაკავშირებული დეტალების გახმოვანება სთხოვა.

პაატა თექთუმანიშვილი:
_ ეს ჯვარი გაიმეორებს გოლგოთის ჯვრის ზომებს. ვინაიდან გვაქვს მოლოდინი, რომ სააკაშვილი ბოლო-ბოლო დაარბევს აქციას, გადავწყვიტეთ, ქუთაისში შევკრავთ ჯვარს და კვირის ბოლოს მოვიკიდებ ზურგზე ძელებისგან შეკრულ ჯვარს და წამოვიღებთ ფეხით თბილისისკენ. ამ ჯვრით ჩვენ დავიწყებთ სვლას და თუ ამაზე მშვიდობიანი ფორმა პროტესტის გამოხატვისა არსებობს, მაშინ მიგვითითონ. გადაიკეტება მთელი ტრასა თბილისამდე, მივიტანთ პარლამენტის შენობის წინ და მე გავეკვრები ჯვარზე იმ ჩოხით, რომელიც მაცვია. და ეს იქნება საქართველოს სიმბოლო, რომელიც გაეკვრება ჯვარზე. ამ ჯვარზე ვიქნები თოკებით გაკრული მანმადე, სანამ არ გადაგდება სააკაშვილი. თუ არ და მზად ვარ, თავი შევწირო.

_ ვიცით, რომ უცნობთან შეხვედრა გინდოდათ და უარი გითხრათ?

_ დიახ, ბაიას _ მის პრეს-ცენტრს დავუკავშირდით და გია ახლა ცუდად არის დ ავერ მიგიღებთო. უბრალოდ, გვინდოდა საზოგადოებისთვის გვეუწყებინა ჩვენი ამ აქციის შესახებ. არ შეგხვდა და არც არის პრობლემა, ჩვენ არავის არ ვეხვეწებით. ჩვენ ჩვენი გზა ავირჩიეთ და იმას მივყვებით.

_ არ გეჩვენებათ, რომ საპატრიარქოს ამაზე ექნება არაერთგვაროვანი რეაქცია?

_ ვიცი, რომ დამიშლიან, ამიტომ არ ვეკითხები. იმიტომ რომ დამიშალონ, ბუნებრივია მათ წინააღმდეგ ვერ წავალ და ვეღარ გადავდგამ ამ ნაბიჯს. ძველი სატახტო ქალაქიდან მოვდივართ ახალ სატახტო ქალაქში. წარმართული საქართველოდან ქრისტიანულ საქართველომდე. არ გვინდა ხოცვა-ჟლეტა, ეს ქვეყანა უნდა გადარჩეს, ოღონდ სააკაშვილის გარეშე.

თბილისში ეშმაკის გამოსახულებიანი სკეიტები გამოჩნდა

სტატია ჟურნალიდან "Prime-Time"





thanX 2 Aquarius.